Teksa qyteti bregdetar i Sarandës po bëhej gati për të pritur pushuesit, një shtetase ukrainase ka thyer masat dhe karantinën e detyruar prej 14 ditësh pasi ishte konfirmuar disa ditë më parë me Covid-19 në Tiranë.
Ajo ka udhëtuar nga kryeqyteti drejt jugut, ku festoi ditëlindjen, në një lokal dhe prej 5 ditësh ndodhej në Sarandë ku ka dhe një banesë.
Ajo u zbulua pasi gjendja e saj shëndetësore u përkeqësua dhe kërkoi ndihmë mjekësore në spitalin e Sarandës dhe kur bluzat e bardha e morën në pyetje u tregoi se ishte e infektuar.
Dyshohej se ajo mund të ketë infektuar dhe personelin shëndetësor të spitalit të Sarandës dhe të paktën 13 punonjësve të spitalit të Sarandës iu kërkua të vetëkarantinohen dhe u është marrë dhe tampon.
Së fundmi, Abc News shkruan se kontaktet e afërta të shtetases ukrainase të infektuar me koronavirus, e cila qëndoi 5 ditë në Sarandë kanë rezultuar negativë.
Negativ ka rezultuar po ashtu edhe bashkëshorti i saj shqiptar.
