Është gjetur në një zonë shkëmbore në Andro të Greqisë trupi i pajetë i shqiptarit 36-vjeçar Laert Beqaj i cili u zhduk pa lënë asnjë shenjë para 17 muajsh.
Mediat fqinje raportojnë se janë disa skenarë për zhdukjen e shqiptarit në mesnatën e 8 prillit 2019, mirëpo ende nuk është konfirmuar.
George Tsoukalis, i cili udhëhiqte hetimet për zbardhjen e kësaj ngjarje tha se trupi i shqiptarit fatkeq, u pa në një zonë shkëmbore pranë plazhit dhe u identifikua në një laborator.
Sipas hetimeve, një ditë para bërjes publike të lajmit për zhdukjen e tij, një burrë, i cili ishte në bordin e një anijeje rrugës nga Rafina për në Mykonos, ra në det. Mirëpo askush nuk i kishte kërkuar gjurmët e personit që u hodh në det, pasi ky njeri ishte me identitet të panjohur.
Pasi u panë kamerat e sigurisë së anijes, nga rrobat dhe nga dëshmitë e udhëtarëve, doli se ky person ishte Laert Beqaj.Zhdukja e tij u raportua edhe nga emisioni “Dritë në tunel”, megjithatë, gjurmët e tij nuk u gjetën kurrë deri para pre ditësh.
