Një 18-vjeçare shqiptare, banuese në Fasano në Itali është zhdukur pa lënë gjurmë më 10 tetor.
Ajo mbante të veshur një palë pantallona të shkurtra të bardha, një bluze të kuqe dhe këpucë të zeza dhe është parë të largohej me tren.
Adoleshentja ka flokë të gjata ngjyrë gështenjë të hapura, sy të errët dhe është e tgjatë rreth 1.50m.
Me vete ka dokumentat, por jo celularin apo para.
Prindërit dhe vëllai e kërkojnë me ankth, ndërsa kanë bërë edhe denoncimin në polici.
Sipas mediave italiane, e reja është parë në Capitolo, pasi i ka kërkuar një personi internet për të komunikuar me dikë në Snapchat.
Vëllai i saj, Giorgio, ka arritur që të futet në profilet e së motrës në rrjetet sociale dhe ka zbuluar se ajo fliste me një djalë shqiptar.
“Është hera e parë që largohet nga shtëpia. Nuk ka dalë kurrë vetëm. Del gjithmonë me prindërit ose mua. Nuk kemi pasur zënka. Gjatë ditëve të fundit nuk ndihej mirë dhe ka bërë një vizitë, por nuk ka asgjë shqetësues. Sinjali i fundit nga ajo është regjistruar dy ditë më parë kur motra ime u pikas, pranë një ure në rrugën për në Conversano. Ajo ndodhej në një makinë “Peugeot 107” ngjyrë gri”, ka deklaruar i vëllai saj.
Autoritetet ndërkohë kanë vënë në dispozicion numrin e telefonit 320.2969429, për këdo që ka informacion për vendodhjen e saj.
Lajmin origjinal mund ta lexoni këtu.
