Gjilan– Një polic ka vrarë një person mëngjesin e sotëm në lagjen “Nato 99”.
Inspektorati Policor i Kosovës ka njoftuar se efektivi me iniciale V.H. ka qenë jashtë orarit zyrtar të punës, kur ka shtënë me armë zjarri në drejtim të viktimës.
Së fundmi është zbuluar edhe identiteti i të vrarit.
Ai është Lulzim Spahiu nga fshati Muqivërc i Kamenicës.
Viktima është figurë e njohur për Policinë e Kosovës.
Polici, V.H, është pushuar nga puna dhe ndodhet nën arrest.
‘Express’ mëson se ai ka qenë mbrojtje e afërt e Kryeministrit të Kosovës.
Deri më tani nuk dihen shkaqet e ngjarjes, por dyshohet se polici i arrestuar kishte bërë një aksident me të ndjerin, para se të ndodhte vrasja.
