Mëngjesin e ditës së djeshme, një sherr i përgjakshëm ndodhi në një market të Tiranës, ku dy të rinj u konfliktuan për rradhën e pagesës tek kasa. Si pasojë e konfliktit humbi jetën nga plagosja me armë zjarri 29-vjeçari Jurgen Duka, ndërkohë që autori i ngjarjes, Arbër Sula, 27 vjeç banues në Sauk ishte efektiv policie në Dibër.
Fillimisht Duka ka mbetur i plagosur ndërsa ka ndërruar jetë në spitalin e Traumës në Tiranë, pasi plumbi e preku në zemër
Orgest Drazhi, shoku i Jurgen Dukës, 29-vjeçarit që mbeti i vrarë në marketin 24 orësh, ka dhënë dëshminë e tij përballë grupit hetimor.
Miku i Jurgen Dukës, Drazhi ka treguar se oficeri Sula ka dashur të bëjë i pari pagesën për produktet që kishte blerë në market, mirëpo Duka e ka parakualuar duke vendosur sendet e tij në banak. Në këtë momente, sipas dëshmisë së Drazhit, situata është agravuar mes tyre.
“Sula ka dashur të bëjë pagesën për disa pije që kishte blerë. Sula ka insistuar të bëjë pagesën i pari, më pas situata u agravua. Duka e parakaloi dhe i vuri sendet e tij në banak Duka i tha Sulës nëse je i pari në radhë do bësh pagesën. Sula iu kthye Dukës, s’më shikon çfarë pagese thua?’– ka thënë Drazhi.
