Sërish ditën e sotme janë zbardhur detaje në lidhje me ngjarjen e rëndë të ndodhur në shtetin fqinj Greqi në Zakynthos ku mbeti e vrarë një 41-vjeçare. Ajo u masakrua me thikë nga bashkëshorti i saj dhe humbi jetën tragjikisht.
Ndërkohë që mediat greke kanë publikuar foton e viktimës që humbi tragjikisht jetën nga “lajthitja” e bashkëshortit të saj.
41-vjeçarja shqiptare u vra nga bashkëshorti mbrëmjen e së dielës, 30 korrik në Zakinthos të Greqisë.
Lonora Serina është emri gruas fatkeqe, e cila dha frymën e fundit në spitalin e Zakinthos, ku mbërrit pas plagëve të rënda të shkaktuara nga goditja me thikë në fyt dhe gjoks.
Xhelozia e sëmurë nga ana e bashkëshortit të saj u bë shkak që Lonora të vritej barbarisht me thikën e bukës, teksa raportohet se ka qenë vazhdisht pre e dhunës.
51-vjeçari dyshohet se ka abuzuar sistematikisht me viktimën, për pasojë, disa muaj më parë 41-vjeçari e ka denoncuar në polici. Megjithatë, gruaja fatkeqe kishte menduar se gjërat mes tyre ishin sheshuar, dhe se ai e kishte kaluar tashmë xhelozinë e tepërt që kishte për të.
Mediat greke bëjnë me dije se vrasja ndodhi pas një sherri në familje, ku 56-vjeçari e ka dhunuar dhe më pas e ka goditur me thikë viktimën, e cila pas ngjarjes ka ndërruar jetë në spital si pasojë e plagëve dhe gjakderdhjes. Mësohet se krimi i rëndë ka ndodhur pasi gruaja kishte bërë padi për dhunë në familje jo një herë, por dy herë.
