Ditën e djeshme mediat kosovare njoftuan për një skandal që kishte ndodhur me thesarin e shtetit ku një punonjës i këtoj institucioni kishte transferuar në llogarinë e një kompanie private 2.1 milionë euro.
Në lidhje me këtë skandal asapk të mirë për Kosovën ka folur ditën e sotme ministrja e Financave,Hykmete Bajrami e cila tha se transferimi i mbi 2 milionë eurove nga Thesari i Kosovës në llogarinë e një kompanie private është realizuar përmes një krimi kibernetik.
“Pas tre minutave që jam informuar, menjëherë e kemi denoncuar rastin në Polici. Ky është krim ekonomik i realizuar përmes një krimi të thellë kibernetik, ku janë bërë qasje të paautorizuara, janë tejkaluar autorizimet ligjore, është bërë keqpërdorim i detyrës zyrtare dhe janë thyer pasuordet”, tha Bajrami.
Më tej ajo tha se transaksioni është transaksion bankar dhe ka gjurmë për gjithçka.
“Krimi është i gjurmueshëm dhe më këtë intensivisht po merren organet e rendit”.
Për këtë ngjarje policia e Kosvës ka arrestuar deri më tani një të dyshuar ndërkohë dy të tjerë gjenden në arrati. I arrestuari është L.G, punëtor i Thesarit të Kosovës, i cili dyshohet se ka bërë transferimin e mbi 2 milionë eurove përmes katër transaksioneve të ndryshme, në llogari të kompanisë, LDA Group Shpk (shoqëri me përgjegjësi të kufizuar), me bazë në Llapushnik, fshat në Komunën e Gllogocit, 30 kilometra larg Prishtinës.
