Një 30-vjeçar nga Durrësi është arrestuar nga policia për vjedhje me dhunë.
Gjithashtu në kërkim është shpallur edhe bashkëpunëtori i tij, A.G. i dënuar më parë për vjedhje.
Këto shtetas i kanë vjedhur me dhunë varëset 3 personave, duke ia tërhequr nga qafa.
Rastet e dokumentuara janë regjistruar në Yrshek dhe në Pezë-Helmës.
Materialet proceduriale i kaluan Prokurorisë së Tiranës për veprime të mëtejshme.
Njoftimi i policisë
Tiranë
Operacion policor i koduar “Cooperation”, për kapjen e autorëve të vjedhjeve me dhunë të varëseve të floririt.
Operacioni nga Komisariati i Policisë Nr.6, në bashkëpunim me Komisariatin e Policisë Kavajë.
Zbardhen 3 raste të vjedhjeve me dhunë të bizhuterive.
Vihet në pranga njëri prej autorëve, si dhe shpallet në kërkim bashkëpunëtori i tij.
Shërbimet e Komisariatit të Policisë Nr. 6, në bashkëpunim me Komisariatin e Policisë Kavajë në kuadër të operacionit policor të koduar “Cooperation”, arrestuan shtetasin:
– R. S., 30 vjeç, banues në Durrës, i dënuar më parë për “Vjedhje” dhe shpallën në kërkim shtetasin A. G., 30 vjeç, banues në Durrës edhe ky i dënuar më parë për “Vjedhje”.
Keta shtetas në bashkëpunim me njëri-tjetrin në fshatin Yrshek i kanë marrë forcërisht nga qafa varësen e floririt shtetases M. L.
Po këta shtetas në vendin e quajtur Pezë-Helmez, i kanë marrë me dhunë varësen e floritit nga qafa shtetases F. R.
Në vijim të hetimeve rezultoi se shtetasi A. G., më datë 4 tetor i kishte marrë me dhunë një shtetasi varësen nga qafa.
Specialistët për Hetimin e Krimit në Komisariatin e Policisë Nr.6, bënë dokumentimin e plotë të dinamikës së ngjarjeve me anë të provave të sekuestruara dhe materialet në ngarkim të dy shtetasve i kaluan Prokurorisë së Rrethit Gjyqësor Tiranë, për veprën penale “Vjedhja me dhunë e kryer në bashkëpunim”.
