E dimë tashmë se formatet televizive të ashtuquajtura “dating show” janë trendi i radhës në Shqipëri dhe padyshim nga më të ndjekurat e momentit.
Edhe në Kosovë, prej disa kohësh ka nisur një emision i ngjashëm me “Për’puthen”, i quajtur “It’s my love”, i cili në fakt në rrjet është konsideruar si versioni “low cost” i programit origjinal.
Moderatori i këtij programi është Kika, i njohur në Shqipëri si ish-konkurent i “Big Brother Albania”.
Ndonëse përveç disa memeve, ky program nuk ka patur ndonjë sukses, ishte Kika ai që arriti falë një deklarate të bërë javë e kaluar, ta vendosë në qendër të mediave.
Ai ka dhënë një intervistë për Express Rozë, ku ndër të tjera ka zbuluar se do të ketë konkurentë të “Përputhen” që do t’i bashkohen emisionit të tij.
Sipas tij mes konkurrentëve të rinj në “It’s my love” do jetë edhe Ana Lleshi, ish-konkurrentja e Për’puthen, e njohur si Ana 1.
Mirëpo, duket se Kika paska krijuar disa iluzione dhe skenare të pabaza pasi Ana i ka mohuar këto lajme për “Meganews.al”.
Ajo ka thënë se nuk ka asnjë ide se ku është bazuar Kika për këtë që ka thënë dhe se nuk njihen personalisht.
Kujtojmë se largimi i Anës nga emisioni shkaktoi shumë bujë. Përjashtimi i saj erdhi pas disa fotove që Arjon Lule, një tjetër ish-konkurrent publikoi në Instastory. Ai shihej në shtrat me Anën, mirëpo ky veprim atyre iu ndalohej rreptësisht nga produksioni.
Pas shumë sondazhesh dhe komentesh, në përfundim ata u përjashtuan të dy nga formati, teksa Ana tha se i është drejtuar organeve të drejtëisë për këtë çështje./Gazetareforma.com/
