Një tjetër ngjarje kriminale me protagonistë dy shqiptarë është regjistruar në Itali.
M.E, 34 vjeç, dhe G.E, 37 vjeç, të dy me vendbanim në Torino janë arrestuar nga policia italiane, pasi u shisnin kokainë klientëve të prostitutave në rrugët e Via Pietro Cossa.
Karabinierët i kanë mbajtur për disa ditë nën monitorim, derisa ditën e sotme i arrestuan në flagrancë.
Policia sekuestroi makinën Alfa Romeo, me të cilën udhëtonin dy të rinjtë, dhe disa doza kokaine, ndërsa të arrestuarit u dërguan në burgun “Lorusso e Cutugno”.
Pritet që ata të dalin para gjykatës për të marrë dënimin në ditët në vijim dhe akuzohen për “shitje të lëndëve narkotike”.
Kujtojmë se në një raport të publikuar në fund të 2019 Ministria e Brendshme italiane informoi se grupet kriminale shqiptare janë ndër më aktivet në vendet e huaja dhe se Shqipëria cilësohet si vend tranzit i heroinës nga Azia Qëndrore dhe Afganistani drejt tregut të Europës Perëndimore.
Më tej, në raport thuhej se përveç trafikut të drogës aktiviteti kriminal shqiptar është përfshirë dhe në aktivitetin e prostitucionit e në krimin ndaj pasurisë si grabitje të dhunshme, kërcënim e zhvatje.
Mafia shqiptare ndër më të rrezikshmet në nivel ndërkombëtar! Shqiptarë bëjnë namin nëpër botë
