U raportuan të humbura në Alpet e Shqipërisë, gjenden dy turistet e huaja

Google+ Pinterest LinkedIn Tumblr +

Dy turiste të huaja, njëra gjermane e tjetra polake u raportuan të zhdukura mes Alpeve Shqiptare, prej 5 ditësh.

Lajmin e bëri të ditur Drejtori për Parqet Kombëtare në Mal të Zi Admir Lalic, i cili bëri apel që kushdo që kishte informacion të njoftonte autoritetet.

Makina e dy turisteve ishte gjetur bosh dhe policia menjëherë ishte vënë në kërkim të tyre.

Ditën e sotme bëhet me dije se dy turistet janë gjetur shëndoshë e mirë. Njoftimin e ka bërë në rrjetin social Facebook një udhërrëfyes i guidave, Gzim Murati.

Gjatë një dite të zakonshme me shumë turistë, ai ka gjetur dy vajzat që ditën e djeshme u raportuan të zhdukura në territorin shqiptar. Madje ai ka publikuar edhe një foto me to në profilin e tij në Facebook.

Murati ka treguar se turistet ishin shëndoshë e mirë, por thjesht nuk kishin pasur internet për të folur me të afërm.

“I gjetën,shëndosh e mirë, afër Vuthajve,thjeshtë thanë se nuk kemi pas internet,edhe se nuk kemi ditë se dikush po na kërkon.”-ka shkruar Murati krahas fotos së publikuar me dy turistet që u raportuan të zhdukura.

Shpërndaje
Share.

Komento