U pyet mbi vendimin e gjykatës për Tahirin, ja si u përgjigj Soreca

Google+ Pinterest LinkedIn Tumblr +

Ambasadori i Bashkimit Europian në Shqipëri, Luigi soreca, është pyetur në lidhje me vendimin ndaj ish-ministrit të Brendshëm, Saimir Tahiri.

Soreca vendosi të mos flasë për këtë temë, duke thënë se duhet të shikojë dosjen, shkruan “Balkanweb”.

Sipas tij, nuk mund të komentohet një vendim, pas lexuar dosjen më parë.

“Si një ish prokuror do të shikoj dosjen dhe më pas do e komentoj. Nuk mund të komentoj vendimin pa lexuar dosjen”,  u shpreh Soreca.

Saimir Tahiri u dënua mbrëmjen e djeshme me 5 vjet burg nga Gjykata e Krimeve të Rënda për shpërdorim detyre.

Për shkak të gjykimit të shkurtuar, dënimi i ish-ministrit konvertohet në 3.4 vjet.

Mirëpo Tahiri nuk do të bëjë asnjë ditë burg, pasi do ta shlyejë dënimin me 3 vjet shërbim prove.

Gjatë kësaj kohe, ai nuk do të ketë mundësi të ushtrojë funksione publike.

Vetë Tahiri e quajti vendimin e gjykatës qesharak, duke thënë se do ta apelojë.

Shpërndaje
Share.

Komento