Ditën e sotme Aleksandër Vuçiç dhe Zoran Zaev mbërritën në Shqipëri në kuadër të Samitit të tretë të Mini-Shengenit Ballkanik.
Mirëpo, aktivistët e Lëvizjes Vetëvendosja e pritën me protestë kreun e shtetit serb.
Siaps tyre, ky takim është në dëm të shqiptarëve dhe Vuçic duhet fillimisht të pranojë krimet e masakrës së Reçakut.
Lidhur me këtë protestë vetë Vuçiç reagoi pak më herët për një media serbe.
Ai u shpreh se protestat janë pjesë e demokracisë, por kjo nuk ndryshon asgjë në marrëdhënien e tij me Ramën.
Gjithashtu, Presidenti i i Serbisë i cilësoi protestuesit si pa vizion për të ardhmen.
“Protesta është normale në demokraci dhe nuk e shoh si problem. Kjo nuk do të bëjë që unë të ndryshoj marrëdhënien me Ramën apo që Edi Rama të ndryshojë marrëdhënien me mua. Nuk kam çfarë të them për ata njerëz atje…Nuk e kuptojnë realitetin, nuk kanë vizion për te ardhmen, ky eshte problemi i tyre.”
Takimi nesër do të mbahet në Tiranë dhe jo në Durrës, siç ishte parashikuar.
Ky ndryshim vjen pas tërmetit të 26 nëntorit.
