Mësuesi i shkollës private në Korçë “Omiros”, i cili u raportua pak javë më parë se ishte prekur nga COVID-19, ka ndërruar jetë.
Profesori 51-vjeçar, baba i 4 fëmijëve, po mjekohej në Kostur.
Rasti i tij u bë publik më datë 17 mars, pasi drejtuesit e shkollës, i dërguan një letër prindërve të fëmijëve që studionin aty.
Drejtoria nëpërmjet letrës i këshillonte prindërit të merrnin masa, pas ekzistonte mundësia që edhe fëmijët të ishin prekur.
Zyrtarisht në Shqipëri numërohen 259 persona të prekur nga COVID-19, në mesin e të cilëve 76 të shëruar dhe 15 viktima.
Në spitalin Infektiv ndodhen 79 persona, 7 prej të cilëve në terapi intensive, ku 4 janë intubuar.
Gjithashtu në spitalin “Shefqet Ndroqi” ndodhet një paciente, ndërsa pjesa tjetër janë në gjendje më të mirë shëndetësore dhe po qëndrojnë të vetëkarantinuar në shtëpi.
Qyteti më i prekur është Tirana me 140 raste, i ndjekur nga Durrësi me 29 dhe Fieri me 23.
