Ditën e sotme një ngjarje e pazakontë ka ndodhur në Kosovë, pasi një i infektuar me COVID-19 është larguar nga spitali.
Bëhet fjalë për një 51-vjeçar, i cili përfundoi në spital pasi u plagos në orarin e punës, por më pas rezultoi edhe me COVID-19.
Ndonëse, ai ishte vendosur në një dhomë të izoluar në Klinikën Emergjente të QKUK-së, teksa priste rezultatet e testit, u largua nga spitali për arsye që ende nuk dihen.
“Gazeta Express” raporton se kanë qenë mjekët ata që kanë lajmëruar policinë, e cila arriti të lokalizonte të infektuarin nga Malisheva, ndërkohë që IKSHP po gjurmohen kontaktet e punëtorit.
Deri tani në Kosovë janë infektuar 177 persona dhe ka shkuar në 4 numri i viktima, pasi më herët ditën e sotme ndërroi jetë një 65-vjeçar.
