Një ngjarje e rëndë ndodhi disa minuta më parë në fshatin Mavrovë të Vlorës. Administratori i fshatit Kotë të Vlorës ka humbur jetën si pasojë e plagosjes me armë zjarri në kraharor.
Sipas “Dosja.al”, Argjil Gjoka ka ndërruar jetë në sallën e operacionit, pasi nuk ka arritur t’u mbijetonte plagëve të marra. Gjoka kishte ndërhyrë për të ndarë disa banorë të fshatit gjatë një konflikti për shkaqe pronësie.
Kujtojmë se para një viti ka humbur jetë edhe paraardhësi i tij Fatmir Hodo.
