Një aksident i rëndë është regjistruar mesditën e sotme në Durrës.
Në vendin e quajtur ish-Këneta, një makinë ka përplasur për vdekje një këmbësore.
Kjo e fundit ka ndërruar jetë gjatë rrugës për në spital.
Mësohet se viktima është shtetasja me iniciale Sh.V.
Ndërkohë policia ka shoqëruar drejtuesin e mjetit, një 24-vjeçar me iniciale H.K.
Grupi hetimor po punon për zbardhjen e rrethanave të aksidentit.
Njoftimi i policisë:
Më datë 20.11.2019, rreth orës 12:30, në vendin e quajtur “ish- këneta’, mjeti tip “Ford”, me drejtues shtetasin H.K., 24 vjeç, ka aksidentuar këmbësoren, shtetasen Sh.V., e cila ka ndërruar jetë gjatë transportimit për në spital.
Grupi hetimor po punon për zbardhjen e shkakut të aksidentit.
Drejtuesi i mjetit është shoqëruar në ambjentet e Policisë për veprime të mëtejshme.
