Një ngjarje e rëndë ka ndodhur në Itali, ku mësohet se një 52-vjeçare shqiptare është përplasur nga një automjet, duke humbur jetën në vend.
Ngjarja ka ndodhur mëngjesin e së shtunës në zonën e Pieve di Soglio rreth orës 7:50, ndërsa mësohet se viktima ka qenë duke ecur me biçikletë.
Mediat fqinje shkruajnë se e ndjera quhet Diturie Goxha dhe është përplasur nga një furgon që drejtohej nga një 43-vjeçar, i çili e hodhi disa metra në asfalt.
Përplasja e fortë i ka shkaktuar 52-vjeçares plagë të rënda, duke mos rezistuar dot pasi është gjendur e pajetë në vendngjarje nga ambulanca.
Nga ana tjetër, policia po punon për zbardhjen e ngjarjes, ndërsa mësohet se drejtuesi i automjetit ka rezultuar negativ ndaj testit të alkoolit.
