Një aksident me pasojë vdekjen u regjistrua në fshatin Humelicë të Gjirokastrës dy ditë më parë.
Policia nuk ka arritur ende të identifikojë viktimën.
Gjithashtu as familjarët e tij nuk janë interesuar pranë policisë.
Blutë e Gjirokastrës kanë publikuar foton e viktimës pak para aksidentit, me shpresën se dikush do ta njohë.
Viktima është rreth 50 vjeç dhe u përplas për vdekje nga autobusi i linjës Vlorë-Athinë.
Në lidhje me aksidentin, policia shoqëroi drejtuesin e autobusit, një 45-vjeçar me iniciale L.R., banues në Vlorë.
