Një aksident ka ndodhur mbrëmjen e sotme në aksin nacional Uznovë-Poliçan.
Një automjet tip ‘BMV’ seria 7 është përplasur me një shtyllë betoni të ndriçimin rrugor.
Dëshmitarët kanë thënë se menjëherë pas përplasjes drejtuesi i mjetit, rreth moshës 30 vjeç, ka dalë nga makina zvarrë, ka hequr targat e mjetit dhe është larguar me një automjet tjetër disa minuta më vonë.
Më pas, rreth 20 minuta më vonë në vendin e aksidentit ka mbërritur një karotrec që ka lëvizur makinën nga vendngjarja.
Tashmë në vendngjarje kanë ngelur vetëm pjesët e automjetit të dëmtuar, që duket se është përplasur në pjesën ballore.
Sipas informacioneve paraprake, drejtuesi i mjetit ka qënë me shpejtësi dhe në kthesë ka humbur kontrollin për shkak edhe të lagështirës në rrugë dhe është përplasur me shtyllën.
Nuk dihet ende se kush ka qënë drejtuesi i mjetit, ndërkohë që policia po punon për identifikimin e tij dhe zbardhjen e shkaqeve të aksidentit .
