Prokuroria e Posaçme kundër krimit të organizuar dhe korrupsionit, SPAK ka kërkuar masën “arrest në burg” për mjekun Edvin Prifti.
Në përgjimet e SPAK, mjeku është kapur duke biseduar me Manuela Mallakuçi, për një operacion që nëna e saj do të kryente.
Shefit të Kardiokirurgjisë në QSUT, Edvin Prifti, pas kontrolleve në shtëpi iu zbuluan janë rreth 200 mijë euro dhe 130 milionë lekë. Ndërsa në zyrë janë gjetur 50 mijë euro si dhe 30 milionë lekë.
Kujtojmë se sot gjyqtarja Enkeleida Hoxha së bashku me avokatin Aldo Tabakun dhe 8 të arrestuarit e tjerë do të dalin para gjykatës për t’u njohur me akuzat, për të cilat SPAK i vuri në pranga.
Por arrestimet e bujshme të dy ditëve më parë me urdhër të SPAK-ut, duket se janë vetëm maja e ajsbergut.
SPAK, bazuar në përgjimet dhe vëzhgimet ambientale thotë se gjyqtarja Enkeleida Hoxha u implikua nga avokati Aldo Tabaku i cili takohej me gjyqtaren në një banesë të marrë me qira në kryeqytet.
Fotografimet e shumta e shfaqin çiftin teksa ata takohen njëkohësisht me kohën kur familjarët e të burgosurit Sajmir Petani përpiqen ta lirojnë nga burgu.
Skema e përdorur pasohet me 7 kërkesa të dorëzuara nga i dënuari, dhe ndërsa asnjëra prej tyre nuk i bie gjyqtares Hoxha, sapo e fundit shorton Enkelejda Hoxhën i burgosuri heq dorë nga paditë e tjera.
