Detaje të reja janë zbardhur nga ngjarja makabre në Greqi, ku një 27-vjeçar nga Palestina përdhunoi një 33-vjeçare shqiptare, ku më pas e goditi me thikë dhe e mbajti peng në një bodrum. Mediat greke kanë siguruar deklaratën e nënës së 33-vjeçares, e cila ka treguar se vajza e saj dhe i riu palestinez kishin disa muaj që njiheshin, ndërsa pranon se kjo nuk ishte hera e parë që e bija e saj dhunoj keq.
Nëna tregon se nuk është hera e parë që e dhunon, më herët e ka patur plagë në sy e në kokë. Më tej ajo rrëfen se vajza e saj është mbajtur e mbyllur në një gazrazh për ditë të tëra.
“E kishte goditur shumë kudo. Me dru e hekur nuk e di, e kishte lidhur… Ajo ka frike se nuk është hera e parë që e godet. E ka goditur edhe dy muaj më parë. Ajo e njihte prej muajsh dhe ai e ka dhunuar keq edhe më parë, me plagë në sy në kokë. Madje, edhe tani e ka tërhequr zvarrë dhe e ka goditur. Vajza ime u shpëtua nga një mrekulli. Ajo u shpëtua nga policia që dëgjoi të qarat e saj. Ajo është në spital dhe shpresoj që gjithçka të shkojë mirë. Nuk është në gjendje të flasë, është në shok. Me siguri e ka mbajtur me forcë sepse me sa kuptova e kishte mbyllur në një garazh dhe e kishte mbajtur atje për ditë të tëra, donte që ajo të largohej dhe më pas e kishte rrahur në një mënyrë që nuk e di nëse quhet kështu, njerëzore,”-deklaroi ajo.
Gabriela Çelaj nga Kuçova është transportuar në spital e dëmtuar në kokë dhe në pjesë të tjera të trupit, ndërsa goditjen me thikë e ka marrë në kofshë. Efektivët e policisë kanë gjetur shqiptaren Gabriela Çelaj, të lidhur në të gjitha gjymtyrët, të dhunuar në kokë e trup e të plagosur me thikë në kofshën e majtë. Ajo u transportuar në spital për të marrë ndihëm e parë ndërkohë që arriti të identifikonte autorin, shtetasin palestinez Mohammad Odi, 27 vjec. Ky i fundit ishte kapur nga policia rreth 6 orë para se të zbulohej shqiptarja.
