Një 31-vjeçare me iniciale F.H., është përdhunuar në banesën e saj në Urën Vajgurore.
Policia ka arrestuar autorin e ngjarjes, 48-vjeçarin, Lorenc Canka, i cili u fut me forcë në shtëpinë e të resë.
Këtij të fundit i janë vënë prangat disa orë më vonë në banesën e tij në fshatin Tapi të Kuçovës.
Denoncimi është bërë nga vetë 31-vjeçarja, e cila ka rrëfyer edhe ngjarjen.
Ajo ka pranuar njohjen me 48-vjeçarin, ndërsa është shprehur se prej kohësh nuk e linte rehat.
“Kishte kohë që më përndiqte nga pas por nuk mendoja kurrë se ai do arrinte deri në këtë pikë dhe për këtë arsye nuk kam bërë denoncim më parë ndaj tij për përndjekje”, mësohet se ka thënë gruaja e re.
E reja jetonte e vetme në banesë dhe kishte disa muaj që ishte divorcuar.
