Pak minuta më parë Ministria e Shëndetësisë njoftoi ndarjen nga jeta të viktimës së pestë në Shqipëri nga koronavirusi.
Mirëpo në një reagim të mëvonshëm, thuhet se 61-vjeçari ka pësuar vdekje klinike, ndërsa mjekët po luftojnë për ta mbajtur në jetë.
Në njoftimin e parë të Ministrisë së Shëndetësisë, thuhej se pacienti vuante nga sëmundje të tjera bashkëshoqëruese.
Reagimi i Ministrisë së Shëndetësisë
Ministria e Shëndetësisë: Pacienti 61-vjeçar i raportuar nga spitali infektiv ka pësuar vdekje klinike, mjekët përpjekje të jashtëzakonshme për ta kthyer në jetë! Por gjendja mbetet tepër e rëndë! Pas pak mjekët në një prononcim.
Gjatë 24 orëve të fundit në Shqipëri kanë humbur jetën dy persona për shkak të koronavirusit, duke e çuar në 4 totalin e viktimave.
43-vjeçari nga Kavaja dhe 71-vjeçari nga Kuçova, patën përkeqësim të shëndetit mbrëmjen e djeshme dhe iu vendosën respiratorë.
Pavarësisht përpjekjeve të mjekëve, ata nuk mundën dot të qëndronin në jetë.
Bilanci i COVID-19 në vendin tonë është 89 të prekur, nga të cilët 4 viktima dhe një i shëruar.
Në spitalin Infektiv janë shtruar 43 pacientë, tre prej të cilëve në gjendje të rëndë.
Pjesa tjetër e të prekurve ndodhen në shtëpi në gjendje të stabilizuar shëndetësore.
