Kryebashkiaku i Kamzës, Rakip Suli është paraqitur në Prokurorinë e Posaçme paraditen e kësaj të hëne. Pas daljes nga SPAK Suli ka deklaruar për mediat se është krenar që ka ardhur dita që të gjithë të thirren para drejtësisë dhe se do të paraqitet sa herë të jetë nevoja. “Ditë e bukur sot. Të lëmë drejtësinë që të bëjë punën e vetë sepse po jep shpresë të shqiptarët. Fati që erdhi sot kjo ditë, që çdo person të japë llogari. Më lini të bëj detyrën time, në respekt të qytetarëve. Sa herë të duan do të vij”, tha ai.
