U lanë në harresë? Covid-19 bën namin dhe te fëmijët

Google+ Pinterest LinkedIn Tumblr +

Ndryshimi i natyrës së sjelljes së virusit ndaj fëmijëve dhe shifrat e fundit të infektimeve në vend, na bëjnë të ngrem dyshime në efektshmërinë e masave anticovid të vendosura për fëmijët.

Shumë shtete në botë po vazhdojnë të përballen me rritjen e numrit të infektuarve me koronavirusin e ri. Në bazë të disa studimeve, në mesin e të prekurve, rezulton dhe një  përqindje e fëmijëve nën moshën 18 vjeçare.

Edhe pse sipas Organizatës Botërore të Shëndetësisë, nuk ka ende dëshmi se fëmijët mund të jenë bartës kryesor të virusit, shumë studime kanë treguar se fëmijët mund të infektohen dhe nëse ata nuk kanë simptoma dhe  mund ta përccojnw lehtë virusin tek të rriturit.

Që nga përhapja e pandemisë në botë, fëmijët në shumë shtete janë ndaluar të ndjekin aktivitete e tyre ditore. Por në Shqipëri ka ndodhur e kundërta.

Ministria e Arsimit, Sportit dhe Rinisë, deri më tani ka vendosur zhvillimin e mësimit online për shkollat e mesme dhe Universitetet, duke “harruar” tu japi vëmendjen e duhur shkollave 9 vjeçare në vend.

Referuar dhe shifrave të fundit të infektimeve në grupmoshat e vogla, krijohet nevoja emergjente për të kthyer vëmendjen e instatncave shtetërore pikërisht në moshat nën 12 vjeç, të cilat në Shqipëri nuk janë të detyruara të mbajnë maskën.

Deri më tani në vend rezultojnë 2 mijë fëmijë, ku 8 prej tyre janë të shtruar në repartin Covid në pediatri. 2 ndodhen në terapi intensive, por nuk janë të intubuar. Fëmijët e prekur nga virusi janë nga bebe në muajt e parë të jetës deri në moshën 12-vjeç.

Sipas udhëzimeve të OBSH dhe UNICEF, të gjithë fëmijët mbi 12 janë të detyruar në mbajtjen e maskës, por përjashtim bëhet për ato vende ku infektimet janë të larta dhe zonat që paraqiten të rrezikshme.

Një grup ekspertësh thanë se fëmijët deri në moshën pesë vjeç duhet të jenë nën mbikëqyrje të vazhdueshme nëse mbajnë maska, pra ekziston mundësia e mbajtjes së tyre.

Të ndodhur në këtë situatë kritike, ndoshta në Shqipëri është e nevojshme rishikimi i masave për fëmijët nën 12 vjeç, referuar dhe shifrave të fundit të infektimeve në gjithë vendin, ku kemi arritur rekord me 1200 persona të infektuar thuajse çdo ditë, shifra këto që tregojnë qartë rrezikshmërinë që paraqesim si vend.

Shpërndaje
Share.

Komento