Safet Bajri, Astmer Bilali dhe Behar Brajoviq kanë apeluar vendimin e GJKKO-së, e cila më 24 shkurt vendosi masën e sigurisë “arrest me burg” ndaj tyre.
Ata akuzohen për vrasjen e Fatbardh Licit, ngjarje e ndodhur më 10 gusht 2018 në Shkodër, dhe për disa vepra të rënda penale, përfshirë “vrasje me paramendim” në kuadër të një “grupi të strukturuar kriminal”.
Sipas SPAK, hetimet kanë siguruar prova që tregojnë se të tre kanë planifikuar dhe ekzekutuar vrasjen e Licit, për shkak të një konflikti të mëparshëm mes Behar Bajrit dhe Ibrahim Licit.
