Partia Demokratike ka komentuar arrestimet e ditës së sotme në Durrës, për tërmetin e 26 nëntorit.
Nënkryetari i PD, Edi Paloka, është shprehur se edhe kësaj here, kryeministri Edi Rama e mbrojti ish-kreun e bashkisë, Vangjush Dakon.
Sipas tij, në Durrës e dinë të gjithë qytetarët, se Vangjush Dako me firmën e tij të ndërtimit “3D”, është fajtori kryesor për këtë situatë.
Nënkryetari i PD vijon më tej duke thënë se Dako jepte lejet, supervizonte dhe jepte betonin e firmës së tij.
Paloka shton më tej, se për të mbrojtur Dakon, janë arrestuar vetëm disa inspektorë lagjesh apo ndonjë ndërtues informal.
Postimi i plotë
“Rama e nxorri Gjushin prape “akullore”…!!!
Sipas drejtuesve te policise dhe prokurorise ne Durres ; pas “nje pune intensive, dy javore” u gjenden dhe “fajtoret” e katastrofes. Plot 17 urdher ndalime…
“Fajtoret” rezultokan disa inspektore lagjesh, ndonje “ndertues informal” e me siguri do dalin dhe bojaxhinjte e pallateve!
Gjushit nuk i del emri kurrkund!!!
Ne Durres e di dhe qytetari me i fundit se Vangjush Dako eshte kryepergjegjes per kete situate, jo vetem se ka mbi dhjete vjet qe drejton si kryetar bashkie, por edhe sepse privatisht ka qene i implikuar direkt, me firmen e tij “3D” , ne ndertimin e shumices se pallateve te demtuara. Kete fakt e kane denoncuar dhe keto dite me dhjetra qytetare durrsak. Gjushi jepte lejet, Gjushi supervizonte, Gjushi jepte betonin e firmes se tij, Gjushi edhe ndertonte me firmen e tij !
Po pse atehere emri i Gjushit nuk del ne listen e polico-prokurorise se Durresit?!
Shume e thjeshte dhe e qarte per kedo; Gjushi ka mbrojtjen direkte te Rames i cili gjate gjithe kesaj kohe po kujdeset personalisht qe mos preken pergjegjesit e vertete, po si ne gjithe rastet e tjera, te mbyllen skandalet me ca “koka turku” nga rradhet e ushtareve.
Rama po kerkon ta nxjerre dhe nje here Gjushin “akullore” dhe kjo ben sens. Gjushin deri dje ne Durres e quanin “Bankomati i Rames” ! Ne fakt tanime eshte me prova se Gjushi e ka PAGUAR ( me kuptimin me te pare te fjales) imunitetin e tij, prandaj ne vend qe te ishte ne qeli, eshte rikthyer me urdher te Rames ne zyren e bashkise per te rregulluar “ATO LETRAT”, thotë Paloka
