Mbrëmjen e djeshme një 22-vjeçare nga Skrapari dhe bashkëshorti i saj u drejtuan drejt Spitalit Infektiv, pasi kishin patur temperaturë dhe vajza kishte qenë në Rimni, Itali.
Fillimisht, ata kishin qenë për vizitë në Spitalin e Skraparit dhe më pas mjekja i kishte nisur drejt Tiranës, në QSUT.
Së fundmi, ka dalë edhe rezultati i analizës dhe 22-vjeçarja me bashkëshortin e saj kanë rezultuar negativ dhe tashmë mund të rikthehen në shtëpi të qetë.
Deri tani numri i të prekurve me COVID-19 në Shqipëri ka shkuar në 10, teksa Ministria e Shëndetësisë u ka bërë thirrje të gjithë qytetarëve të tjerë që të ruajnë qetësinë, ndërkohë ata që kanë udhëtuar nga vende të prekura dhe ndiejnë simptoma të ngjashme me gripin, të telefonojnë në nr.127 dhe të mos shkojnë direkt në spitale.
Më herët mbrëmjen e sotme Faxweb raportoi se një familje me 4 anëtarë ndodhet në Spitalin e Infektivit, pasi kanë patur kontakte me të moshuarën e identifikuar me COVID-19 në Durrës.
