Babai i Rrushdi Hoxhës, i cili u vra dhe u varros pas Malit të Dajtit nga një miku i tij, Fredi Rrushi, proteston ndaj vendimit të gjykatës që e dënoi autorin e krimit me vetëm 10 vite burgim.
I moshuari, Xhelal Hoxha, ka dyshime se i biri është vrarë nga një grup kriminal dhe se vrasja ka ndodhur me pagesë. Babai vazhdon të kërkojë drejtësi dhe nuk do të ndalet deri sa të zbardhet e vërteta.
Rrushdi Hoxha u zhduk pa lënë gjurmë dhe pas denoncimeve nga familjarët, policia zbuloi se ai ishte vrarë nga një nga miqtë e tij, Fredi Rrushi, i cili e kishte varrosur fshehurazi pas Malit të Dajtit.
Si ndodhi ngjarja:
Para se ta mbulonin me zhavorr në një humnerë në Qafë-Mollë të Dajtit, biznesmenin Ruzhdi Hoxha e kishin qëlluar me një plumb pas koke. Trupi i pajetë ishte mbuluar edhe me disa gurë në një zonë të largët, pas malit të Dajtit, ndërsa u gjet gjysëm i dekompozuar. Hetuesit besojnë se ai u vra 17 ditë para se të gjendej, pikërisht natën kur i akuzuari kryesor Fredi Rrushi e mori në makinën e tij tip “Passat”.
Që nga zhdukja e biznesmeneit kanë kaluar 17 ditë. Pas arrestimin Fredi Rushi nuk e ka pranuar ezekutimin, por dëshmia e dhënë në polici nuk ka bindur autoritetet.
Fillimisht ai deklaroi se biznesmenin Ruzhdi Hoxha e kishte takuar mbrëmjen e datës 22 Tetor. Ky fakt konfirmohet edhe nga dëshmia e E.T, një shok tjetër me të cilin viktima ishte takuar para se të kontaktonte Ruzhdi Hoxhën.
Vetë i akuzuari për vrasjen e ka konfirmuar takimin. Ai tha se pasi kishin pirë disa birra bashkë, e kishte lënë biznesmenin e zhdukur në zonën e njohur si “Treshi” në Tiranë. Pas kësaj nuk kishte pasur asnjë kontakt me të.
Menjëherë pas kësaj, policia kontrolloi filmimet e kamerave të sigurisë në disa zona të Tiranës, në orët kur pretendohet se ka lëvizur mjeti “Passat”, ku udhëtonin viktima dhe i dyshuari për vrasjen.
Policëve u ka rezultuar se natën e krimit, makina ka lëvizur në zonën e Dajtit. Kjo ka bërë që kërkimet të përqëndrohen në këtë zonë. Të premten aty u gjet një xhup i gjakosur, për të cilin familjarët e Ruzhdi Hoxhës thanë se i përkiste vetë atij.
Nga kontrolli me qentë gjurmës u gjet edhe trupi i pajetë, në një greminë, i mbuluar me zhavorr dhe gurë. Fredi Rrushi është arrestuar që në ditën e parë kur është marrë në pyetje. Nga verifikimet rezultoi se ishte në kërkim nga Italia për trafik droge.
Mbeten ende mister motivet që kanë çuar deri në ekzekutimin e biznesmenit 43 vjeçar. Një nga shkaqet më të përfolura në media është ajo e borxheve që ai mund të ketë pasur, por i biri i ka mohuar këto në dëshminë që ka dhënë në polici.
