U kapën me pasaporta false, Ronaldinho arrestohet me të vëllanë në Paraguaj

Google+ Pinterest LinkedIn Tumblr +

Ish-ylli brazilian i Barcelonës dhe PSG, Ronaldinho është arrestuar me të vëllanë në një resort në Paraguaj.

Autoritetet vendase zbuluan se pasaportat e përdorura nga dy vëllezërit, ishin false.

Mësohet se Ronaldinho ishte ftuar nga pronari i kazinosë, Nelson Belotti, për një event.

Ish-ylli i Barcelonës aktualisht nuk ka një pasaportë, pasi shteti brazilian ia ka hequr.

Shkak për këtë u bë një gjobë prej 8.5 milion dollarësh të cilën Ronaldinho nuk pranoi ta paguante.

Braziliani së bashku me të vëllanë u gjobitën në 2018-ën, pasi ndërtuan në mënyrë të paligjshme një grackë për peshqit në liqenin Guaiba.

Ronaldinho gjatë karrierës së tij numëron një sërë suksesesh me Barcelonën dhe Milanin, duke fituar Champions League, Serie A dhe La liga.

Gjithashtu ai u shpall kampion bote në vitin 2002 me Kombëtaren e Brazilit.

Në aspektin personal, Ronaldinho ka fituar topin e artë në 2005-ën, ndërsa në vitet 2004 dhe 2005 është shpallur nga FIFA si lojtari i vitit.

Shpërndaje
Share.

Komento