Shqiptarët vazhdojnë të jenë në qendër të mediave ndërkombëtare për “bëmat” e tyre. Së fundmi një agjentët e Volantit në Itali arrestuan 30-vjeçarin shqiptar, i cili po kryente vjedhje në një shtëpi lokale në Atripalda. Por bëhet e ditur se shqiptari ka “dalur nga vetja” teksa po arratisej, pasi ka goditur me gurë efektivët e policisë.
Dy bashkëpunëtorë të tjerë arritën të arratiseshin në fshatrat përreth duke humbur gjurmët.
Në vendin e ngjarjes u gjetën mjete për vjedhje, të përdorura për të depërtuar në shtëpinë e viktimës. Vlen të theksojmë se shqiptarët në mënyrë të vazhdueshme kanë kryer akte vjedhjesh në vendin fqinj në Itali, aq sa madje janë etiketuar edhe si “skifterë”.
Kujtojmë që rreth para 10 ditësh një shqiptar i kërkuar në Itali si autori i dyshuar i të paktën 23 vjedhjeve të banesave në provincat e Lombardisë u arrestua në Spanjë. Sipas policisë, dyshohet se ai ishte pjesë e një bande kriminale, e cila grabiste bizhuteri dhe veshje luksoze. Shqiptari u ndalua në një stacion autobusi në qytetin katalanas. Vjedhjet për të cilat ai hetohet janë kryer në fund të vitit të kaluar. I arrestuari është në dispozicion të autoritetit gjyqësor, i cili do të vendosë nëse do të autorizojë ekstradimin e tij drejt Italisë.
