Pas Infektivit dhe “Shefqet Ndroqit”, spitali i burgut në QSUT është COVID3.
Aty janë shtruar 18 të prekur nga koronavirusi në burgun “313”.
Pacienti zero në burg ishte një shtetas italian, i cili infektoi fillimisht 13 të tjerë, ndërsa sot u shënuan edhe 4 raste të reja.
Për shkak se Ministria e Drejtësisë nuk ka dhënë asnjë sqarim, nuk dihet nëse të prekurit janë të dënuar, të paraburgosur, gardianë apo mjekë.
Aktualisht në spitalin COVID3 ndodhen 31 shtretër dhe për momentin ka kapacitete nëse do të ketë raste të reja.
Me qëllim parandalimin e përhapjes së COVID-19, takimet mes të burgosurve dhe familjarëve, do të ndërpriten.
Që nga data 4 mars italiani nuk ka pasur kontakt me asnjë person nga jashtë dhe që nga 11 marsi janë pezulluar vizitat për të gjithë.
Pasi italiani u konfirmua me koronavirus, u testuan 30 të burgosur të tjerë, ku 13 dolën pozitiv.
Ndërkohë njëri prej punonjësve infektoi prindërit e tij, pas një vizite në fshatin Velë të Mirditës, ndërsa nuk kishte dijeni se ishte prekur nga virusi.
