Një shtetase ruse, 26 vjeçe, u gjet e vetëvarur në apartamentin që kishte marrë me qira në plazhin e Durrësit.
Gazetarja e News24, Klodjana Haxhiaj, ka zbardhur disa detaje të ngjarjes tragjike, duke konfirmuar se viktima kishte ardhur në Shqipëri vetëm dy javë më parë dhe kishte marrë një apartament me qira përmes platformës BNB, i cili i ishte dhënë nga një shtetase çeke.
Mësohet se ajo kishte lënë një letër lamtumire për familjen, ku kërkonte falje, dhe sipas burimeve nga policia, viktima kishte qenë në një gjendje të rënduar emocionale.
Dyshohet se kjo gjendje psikologjike, për shkak të një procesi divorci me bashkëshortin e saj, ka qenë shkaku i aktit të vetëvrasjes.
Trupi i pajetë do t’i nënshtrohet një ekspertize mjeko-ligjore për të verifikuar kohën e vdekjes.
Viktima u gjet nga pronarja e apartamentit, shtetase çeke, e cila ishte shqetësuar pasi nuk mundi të kontaktonte me të përmes telefonit.
