Të tjera detaje dalin nga ngjarja tragjike, ku një grua u gjet e pajetë në afërsi të Liqenit të Sharrës.
Nga konstatimet e para në trupin e viktimës janë gjetur shenja dhune me mjete të forta si dhe 3 plumba. Viktima është identifikuar si Lirie Xhepa rreth 45 vjeç.
Trupi i viktimës është gjetur përmbys dhe e veshur lehtë, jo me xhup. Dyshohet se vrasja ka ndodhur në një vend tjetër dhe më pas të jetë transportuar në kodrat e liqenit të Sharrës.
Gruaja ishte e martuar dhe banonte pranë zonës ku u gjet e vrarë dhe e hedhur në ferra. Banorët thonë se kanë parë njerëz me makinë në këtë zonë.
Sipas informacioneve të grupit hetimor, gruaja është vrarë brenda 24 orëve të fundit.
Shumë pranë vendit ku është gjetur trupi i viktimës ka edhe banesa. Kanë qenë banorët që kanë gjetur trupin dhe kanë njoftuar policinë.
