Lefter Alla u paraqit ditën e sotme para SPAK.
Pasi doli nga institucioni ai nuk pranoi të fliste për gazetarët.
Ndërsa avokati i tij Petrit Ismaili tha se videoja ishte një montazh dhe se e vërteta do të dilte në pah.
“Nuk dha asnjë deklarim në SPAK. Do sqarohet situata. Videoja është e paqartë. Është montazh, nuk duhet fare,”-është shprehur avokati duke mbajtur versionin e klientit të tij në daljet publike.
Së fundmi është zbuluar çfarë ka thënë Alla para anëtarëve të SPAK.
“Nuk jam unë personi në video. Të gjendet nga prokuroria duke pyetur ata që nxorën videon se kush është personi në video”, mësohet të ketë thënë Alla.
Një video e publikuar nga gazetari Artan Hoxha ka shkaktuar një bujë të madhe në media.
Në video shihet kryebashkiaku i Bulqizës Lefter Alla, i cili konsumon kokainë në ambiente publike.
Menjëherë pas publikimit të videos Hoxha u shpreh se është kërcënuar me jetë dhe i bëri thirrje policisë të marrë masa.
Sot gazetari ishte në SPAK ku dha dëshminë e tij rreth këtyre kërcënimeve.
