U dyshuan për koronavirus, Ministria e Shëndetësisë jep detaje për tre të testuarit

Google+ Pinterest LinkedIn Tumblr +

Tre personat e dyshuar për koronavirus në Shqipëri, kanë rezultuar negative.

Kjo është konfirmuar nga Ministria e Shëndetësisë me anë të një njoftimi.

Më tej në njoftim thuhet se në Shqipëri janë testuar 26 raste me histori udhëtimi nga vendet e prekura, të cilët kanë rezultuar të gjithë negativ.

“Ministria e Shëndetësisë dhe Mbrojtjes Sociale informon se mëngjesin e sotëm ka përfunduar testimi i tre rasteve të reja të dyshuara në laboratorin e virologjisë në Institutin e Shëndetit Publik, me histori udhëtimi me vendet e prekura nga koronavirusi COVID-19, të cilat kanë rezultuar NEGATIVE. Deri në këto momente janë testuar 26 raste për koronavirusin e ri.  Duke ju ftuar t’i referoheni burimeve zyrtare, Ministria e Shëndetësisë dhe Mbrojtjes Sociale ju bën me dije se do të informojë në vijimësi për situatën në vendin tonë, njofton ministria.

Në rang botëror deri më tani janë regjistruar 2920 të vdekur, ndërsa nimërohen mbi 85 mijë të infektuar.

Në SHBA janë regjistruar 19 rastet e para, ndërsa në Europë situata është më emergjente në Itali me 21 të vdekur dhe mbi 800 raste.

Greqia ndërkohë numëron 4 të prekur, ndërsa një rast është shënuar edhe në Maqedoninë e Veriut.

Shpërndaje
Share.

Komento