Mbrëmjen e së shtunës, në Fier dy të rinj që nuk kishin pasur autorizim për të lëvizur, i kanë bërë pritë makinës me të cilën po udhëtonte 23-vjeçari Xhoen Osmënaj i shoqëruar nga një mikeshë e tij.
Mes të rinjve ka nisur një konflikt i dhunshëm, derisa ndërhyri policia, duke identifikuar se në sherr ishte përfshirë efektivi Anxhelo Bardhi, i cili është pezulluar menjëherë nga detyra, teksa është arrestuar edhe shoku i tij Daniel Rista.
Ditën e sotme, në një njoftim për mediat, Policia bëri me dije se ka vënë në pranga efektivin Bardhi dhe shokun e tij, pasi akuzohen për veprat penale të “Kanosjes”, “Prishjes së qetësisë publike” dhe “Shkatërimit të pronës” kryer në bashkëpunim.
LEXO: Rrahën gazetarin në mes të qytetit, arrestohet polici dhe shoku i tij
Disa median raportuan se shoku i efektivit, Daniel Rista, është vëllai i vajzës i cili ishte nën shoqërinë e gazetarit Xhoel Osmënaj, dhe pikërisht ky mendohet se ka qenë edhe shkak i sherrit.
Ka qenë Rista ai që ka goditur fillimisht Osmënajn, pasi ishte në makinë me motrën e tij dhe më pas ka ndërhyrë edhe Bardhi, ku sherri ka agravuar deri në përdorimin e sendeve të forta.
LEXO: Zbardhen detaje mbi arrestimin e policit: Shoqërohej me gazetarin, motra e shokut ‘mollë sherri’
Së fundmi, vetë i dhunuari ka dhënë një intervistë, ku tregon se ka marrë disa fraktura në fytyrë, ndërsa mjeti i tij është dëmtuar.
Sipas Osmënajt, ai nuk kishte asnjë konflikt me personat e përfshirë në sherrin që ndodhi mbrëmë, ndërsa theksoi se policin e njihte vetëm si fytyrë.
Po ashtu, ai ka mohuar se sherri të ketë ndodhur për një femër, duke shtuar se vajza që ishte në ato çaste në makinë me të ishte një e afërmja e tij.
“Nuk është se kishim pasur konflikt të përparshëm. Ndaluan dhe na prenë rrugën aty ku mblidhen gazetarët për të raportuar për COVID-in. Në atë moment dalin dy persona, polici dhe një person tjetër, që kishin një sqepar në dorë dhe nisën të thyenin xhamin përpara. Më pas xhamin e pasagjerit dhe më pas po më qëllonin dhe mua. Unë po mundohesha që të mbrohesha. Më pas erdhi dhe patrulla e policisë. Me ata persona nuk kemi pasur debate më herët. I njihja si fytyra. Më qëlluan automjetin dhe unë para disa fraktura. U kapën në atë moment, pa thënë asnjë fjalë. Vajza që kisha në makinë është një e afërmja ime, s’ka lidhje me këtë çështje. Na mbajtën në polici, na pyetën. Edhe vajza u shoqërua.”
