Ka ndërruar jetë Minire Nura, e moshuara që 2 vite më parë u dhunua nga infermieret në shtëpinë për të moshuar “Orenda”. Lajmin e ka konfirmuar avokati i saj, Meshari Selimaj, duke mos dhënë më shumë detaje mbi shkaqet e vdekjes.
Rasti i Minire Nura u bë publik pasi u shfaqën pamjet ku infermierët e dhunonin atë. Qendra “Orenda” u mbyll nga autoritetet, por ende nuk ka vendim gjyqësor për të dyshuarit. Sipas aktakuzës, tri infermiere në këtë qendër kanë përdorur forcë ndaj të moshuarës me dashje dhe në bashkëpunim.
