Ka ndërruar jetë në spitali 80-vjeçari Namik Rustemi, i cili pasditen e 12 tetorit u dhunua brutalisht nga bashkëfshatari i tij, 47-vjeçari Ilir Nukaj në fshatin Povelçë të Fierit.
Burime për mediat bëjnë me dije se i moshuari prej ditës së ngjarjes ndodhej në intubim dhe fatkeqësisht nuk ka arritur dot t’u mbijetojë plagëve të marra.
Viktima ishte pronar i një dyqani të vogël në fshat dhe dhunuesi kishte shkuar për t’i kërkuar një shihe birrë, por i moshuari nuk i dha, duke qenë se ai njihej si person problematik.
Njoftimi i policisë:
Fier
Ka vdekur 80 vjeçari i cili disa dite me pare eshte dhunuar fizikisht sebashku me bashkshorten e tij, nderkohe kapet dhe vihet në pranga autori. Ngjarja ka ndodhur ne Povelce te Fierit
80-vjeçari si pasojë e dhunës ndodhej në gjendje të rëndë shëndetësore në spitalin e Fierit. por ka vdekur sot ne spitalin rajonal Fier
Specialistët për Hetimin e Krimeve të Rënda të DVP Fier arrestuan autorin shtetasin I. N., 47 vjeç, banues në fshatin Povelçë, Fier,
Kjo ngjarje ka ndodhur ne fshatin Povelçë, në ambientet e jashtme të dyqanit ushqimor në pronësi të shtetasit viktimes N.R, shtetasi I.N autori për motive të dobëta ka goditur me grushta në pjesën e kokës, shtetasin N.R, 80 vjeç dhe bashkëshorten e tij, shtetasen A.R, 77 vjeçe.
Si pasojë e dhunës shtetasi N.R, ndodhej i shtruar dhe intubuar në spitalin rajonal Fier në gjendje të rëndë, edhe pse ishte në kujdesin e mjekëve ka gjetur vdekjen Ndërsa shtetasja A.R bashkshortja e tij pasi ka marrë mjekim ne spital është larguar drejt banesës së saj.Per kete ngjarje materialet procedurale i jane referuar Prokurorise pranë Gjykatës së Shkallës së Parë të Juridiksionit të Përgjithshëm Fier për veprën penale ‘‘Plagosje e rëndë me dashje’’.ku per autorin eshte dhene dhe masa e sigurise burg pa afat.
