Ish-zëvendësministrja e Brendshme, Rovena Voda akuzohet për marrje ryfsheti pasi në këmbim të një vendi pune iu ofrua një ark më pesh, 1000 mijë euro dhe celular.
Teksa para një jave u mor vendimi “Arrest në shtëpi” për Rovena Vodën, ditën e sotme ajo është shfaqur në publik, ku ka folur për “Euronews Albania”. Ajo ka treguar versionin e saj të historisë, madje shprehet se në momentin që iu komunikua akuza më 13 korrik 2021, ajo mbeti e habitur pasi as që e mbante mend bisedën e bërë me Majlinda Hasanin, në lidhje me punësimin në administratën publike.
“Në momentin kur jam njoftuar për masën e sigurisë ka qenë 13 korrik 2021, kisha 1 vit që isha liruar nga detyra. Kisha filluar jetën time profesionale, punoja si konsulente në një projekt. Në momentin që m’u komunikua masa e sigurisë ka qenë një habi e madhe, një paqartësi e madhe, një gjendje shoku. Kur kam lexuar vendimin e gjykatës flitej për një histori që as nuk e mbaja mend. Flitej për një histori që në memorien time ka qenë e parëndësishme dhe nuk lidhej as me marrjen e përfitimeve as me ushtrimin e ndikimit të paligjshëm.
Së pari dua të sqaroj se komunikimet kanë qenë të dy personave të tjerë. Në asnjë moment, në 22 muaj hetime, nuk ka asnjë komunikim ku të dëgjohet zëri im, apo ndonjë përgjim timin ku unë të shprehem për marrje dhe dhënie përfitimesh.
Dy personat e tjerë janë nga Durrësi, unë jam një vajzë nga Durrësi. Majlinda ka qenë avokate e vjetër në Durrës, ka qenë avokatja ku unë kam kryer stazhin, praktikën time profesionale. Njohja ka qenë e hershme që në vitin 2003”, thotë Rovena Voda.
