Kryeministri i vendit Edi Rama, ka shkarkuar nga detyra kryebashkiakun e Lushnjes, Fatos Tushe i cili u arrestua ditën e djeshme për korrupsion me tenderat. Mësohet se vendimi është marrë ditën e sotme në mbledhjen e Këshillit të Ministrave dhe mban firmën e kryeministrit të vendit Edi Rama.
Në vendimin e firmosur nga Rama thuhet se shkarkimi i kryebashkiakut Tushe nga detyra është bërë, për shkak të shkeljeve të rënda të kryera prej tij.
Vendimi i Këshillit të Ministrave:
VENDIMNr. 407, datë 6.7.2021PËR SHKARKIMIN NGA DETYRA TË KRYETARIT TË BASHKISË LUSHNJË, Z. FATOS TUSHENë mbështetje të neneve 100 e 115, pika 1, të Kushtetutës, dhe të shkronjës “a”, të nenit 62, të ligjit nr. 139/2015, “Për vetëqeverisjen vendore”, të ndryshuar, me propozimin e ministrit të Brendshëm, Këshilli i Ministrave VENDOSI:Shkarkimin nga detyra, për shkak të shkeljeve të rënda, të kryetarit të Bashkisë Lushnjë, z. Fatos Tushe.Ky vendim hyn në fuqi menjëherë dhe botohet në Fletoren Zyrtare. KRYEMINISTËR Edi Rama.
Kujtojmë se kryebashkiaku i Lushnjes së bashku me 8 zyrtarë dhe dy biznesmenë të tjerë u arrestuan ditën e djeshme me urdhër të SPAK pasi dyshohet se janë përfshirë në korrupsion.
Forcat e Policisë dhe FNSH zbarkuan në zyrat e kryebashkiakut Tushe duke vendosur në pranga të gjithë personat e përfshirë në aktet korruptive si dhe duke sekuestruar dokumente të cilat mund të provojnë këto akuza.
