Gjykata e Shkallës së Parë në Shkodër, ka vendosur masën e sigurisë “Arrest me Burg” për dy shtetasit, Barush Bregu dhe Bajram Çekorja, të arrestuar me datën 4 maj, në kuadër të operacionit “Kompleksi” në Tirane.
Arrestimi i tij erdhi pas një operacioni të organizuar nga RENEA, FNSH dhe forcat Shqiponja, pas kontrollit që u bë në një banesë të marrë me qira prej tij, në zonën e Komunës së Parisit në Tiranë.
Bregu pritet tashmë të vuajë dënimin në burg, për kultivim të narkotikëve dhe armëmbajtje pa leje, ndërsa cilësohet nga policia si person i rrezikshëm dhe i dyshuar për ngjarje të tjera kriminale. Gjykata dha “arrest me burg” edhe për përkrahësin e Barush Bregut, shtetasin Bajram Çekorja. Sipas “balkanweb” burime nga Policia e Shtetit bënë me dije se ai njihet si krahu i djathtë i Ibrahim Liçit autorit kryesor të dyshuar për vrasjen e vëllezërve Bilali me 30 mars të këtij viti dhe pjesëtar i familjes Liçi të cilët tashmë prej më shumë se një viti janë në përplasje me grupin tjetër kriminal Bajri edhe këto të fundit të arrestuar që në shtator të vitit të kaluar.
Policia dyshon se Barush Bregu ka ndihmuar shokun e tij Ibrahimin në vrasjen e dyfishtë të vëllezërve Bilali por edhe në ngjarje të tjera kriminale. Barush Bregu dyshohet edhe si personi që ka ndihmuar Ibrahim Liçin në çdo lëvizje të këtij të fundit.
“Ky shtetas është i dënuar me 4 vite burg për kultivim të bimëve narkotike, e kryer në bashkëpunim, në vitin 2016, si dhe me masë sigurie “Arrest në burg”, për armëmbajtje pa leje , pasi në shtator të vitit 2018, gjatë një operacioni të zhvilluar nga Policia, në banesën e këtij shtetasi u gjet një armë zjarri kallashnikov dhe municion luftarak. Gjithashtu ky shtetas është i skeduar si pjesëtar i një grupi kriminal dhe është i dyshuar edhe si autor për ngjarje të tjera të rënda kriminale të ndodhura në qarkun Shkodër më parë, si dhe autor i dyshuar për “Trafikim të lëndëve narkotike,” – thuhet në njoftimin e policisë.
Bashkë me 33 vjeçarin u kap edhe Bajram Çekorja, 21 vjeç banues në Shkodër i dyshuar për përkrahje të Barush Bregut.
