Pas akuzave se Franca kishte grumbulluar pjesën më të madhe të vaksinave, ky shtet ka vendosur tu japë 500 mijë doza vendeve të varfra. Dërgesa e tyre do të bëhet nga mesi i qershorit. Më herët Franca i kërkoi vendeve të G7 të jepnin 3 deri 5 përqind të vaksinave ndaj vendeve të varfra.
Propozimi i Francës erdji teksa udhëheqësit e G7 u përballën me akuza se ata kanë porositur kolektivisht më shumë se 1.5 miliardë vaksina mbi shumën që kërkojnë popullatat e tyre. Po ashtu kritikohen se rusët dhe kinezët janë para tyre, të cilët tashmë po ofrojnë vaksina direkt në vendet e varfra ndërsa perëndimi i pasur ruan një tepricë e madhe.
Iniciativa e Macron pranon perceptimin se perëndimi po injoron gjendjen e të varfërve, kur në fakt po financon një plan kompleks për të siguruar vaksina.
Shumë prej vaksinave që sistemi ndërkombëtar po financon ende nuk kanë përmbushur miratimin e Organizatës Botërore të Shëndetësisë dhe mund të mos jenë të përshtatshme për shpërndarje në zonat e largëta rurale.
Kujtojmë se momentalisht në rang botëror po vihet re një luftë për të siguruar sa më shumë doza mes vendeve të varfra dhe atyre të fuqishme. Në pamjaftueshmëri vaksinash, shtetet e zhvilluara ekonomikisht kanë krijuar përparësi në vaksinimin e popullsisë ndaj Covid-19. Një tjetër realitet vihet re në vendet e Ballkanit, të cilat ende nuk kanë mbaruar së vaksinuar stafin mjekësor, që janë ndër të parët në vijën e luftës.
