Tensionohen sërish marrëdhëniet midis Greqisë dhe Turqisë. Shkak është bërë sipas televizionit shetëror grek provokimi i palës turke. Sipas mediave greke autoritet turke mbajtën në ajër për 20 minuta avionin e kreut të diplomacisë greke Nikos Dhendias.
Pilotët normalisht kishin marrë lejen e autoriteteve turke për të kaluar në zonën ajrore të Turqisë, por kur avioni ndodhej në kufijtë mes Turqisë dhe Irakut i është refuzuar leja e fluturimit.
Si pasojë avioni me ministrin e Jashtëm grek u detyrua të kryente rreth rrotullime për 20 minuta.
Mediat greke citojnë burimet diplomatike sipas të cilave pala turke i shpjegoi ambasadës greke në Ankara se incidenti kishte ndodhur për shkak të një gabimi teknik të shërbimit kompetent turk. Ndërsa shtojnë se qeveria greke ka dërguar notë proteste për ngjarjen në ministrinë e jashtme turke.
Turqia nga ana tjetër mohon se ka penguar avionin ku ndodhej Dhendhias.
Zëdhënësi i ministrisë së Jashtme turke Hami Askoy pretendon se Turqia i kishte dhënë palës greke lejen e nevojshme në kohë të arsyeshme.
Burimi: EPT/ Përshtati: GazetaReforma.com/
