Prej ditësh konflikti në kufirin greko-turk ka krijuar goxha tensione, pasi refugjatët sirianë u janë drejtuar rrugëve të Europës, mirëpo Greqia ka kundërshtuar kalimin e tyre në territorin grek.
Media të ndryshme ndërkombëtare kanë bёrё tё ditur se Turqia ka vendosur qё tё mos i ndalojë mё refugjatёt qё kanё marrё rrugёn drejt Europёs pёrmes rrugёs tokёsore ose detare.
Sipas tyre, Erdogan ёshtё shprehur, se pavarёsisht ujdive me BE pёr të mos lejuar kalimin e refugjatёve, do t’i lejojё ata qё kalojnё kufirin nё Bullgari dhe Greqi pasi Turqia nuk mund ta përballojë më një situatë të tillë.
Sipas presidentit turk, nga e premtja e javës që lamë pas janë 18.000 nё kufijtё e Turqisё me BE dhe pritet që numri i refugjatёve mund tё shkojё deri nё 30.000 vetё gjatё fundjavёs.
Mirëpo, pas krizës së krijura mes Turqisë dhe Greqisë, së fundmi vendi ynë po parapërgatitet për të qenë gati në rast se do të përballet me një situatë të tillë emergjente.
Top Channel bën me dije se katër institucione në vend po diskutojnë për të marrë përgjegjësitë në një situatë të tillë dhe paraprakisht është menduar të bëhen gati 6 qendra pritëse, që mund të vendosen në jug të vendit në kufi me Greqinë.
Emergjencat, Policia e Shtetit, Ministria e Shëndetësisë dhe Ministria e Mbrojtjes po ndajnë detyrat dhe si opsione për qendrat pritëse po shihen 4 qytete: Elbasani, Gjirokastra, Korça dhe Lezha.
Këto qendra kanë një kapacitet për rreth 30 mijë refugjatë, teksa ky plan masash përfshin edhe angazhimin e mjekëve por edhe të logjistikës nga institucionet e tjera.
