Kryeministri Edi Rama ka prezantuar sot përpara mediave kryenegociatorin për Integrimin e vendit Zef Mazin, dhe aty është përballur me pyetjen e disa gazetarëve.
Kryeministri Rama po ashtu i cilësoi kazan deklaratat e një ish-admirali turk i cili pretendon se Ankaraja ka ndikuar në anulimin e marrëveshjes së detit me Greqinë në vitin 2009.
I pyetur për këtë nga gazetarët Rama tha se janë deklarata të rreme, të njëjtat si lajmi nga “Independent”, i cili ka publikuar një një artikull, në të cilin shkruhej se në një lokal në Drilon ofrohej mish ariu.
Rama është shprehur se ka kazan në Greqi, ka në Turqi por ka edhe në Angli.
“Mos gabohem këtu, se fjala kazan vjen nga turqishtja, kështu që kazani nuk është ekskluzivisht shqiptar, nuk ka vetëm në Shqipëri, por edhe Turqi, Greqi.
Një kazan në Greqi flitej për një marrëveshje për t’i falur Turqisë Pashalimanin me synim që të bënim ndonjë agresion natën, ndërkohë që Greqia ishte në gjumë, kuptohet.
Broçkulla të tilla ka sa të duash.
Kishte edhe një kazan në Angli që thoshte shqiptarët hanë mish ariu në restorante, në Shqipëri arinj ka sa të dush por nuk i kemi për shitje, i kemi në proces ‘dialogu’”, u shpreh me tone të larta kryeministri Edi Rama.
Në media u raportua këto ditë se ish admirali Cihat Yaycı i kishte dërguar një raport qeverisë ku i kërkonte anilimin e marrëveshjes.
