Dy predha luftarake janë gjetur ditën e sotme nga dy turistë amerikanë në zonën e Ballabanit në Këlcyrë.
Siç shkruan “Faxweb”, turistët ishin duke ecur në këmbë kur kanë pikasur predhat.
Ata kanë njoftuar menjëherë forcat xhenierë.
Sipas autoriteteve, armët luftarake me përmasa 30 cm, janë të Luftës së Dytë Botërore.
Kujtojmë këtu se në malet shqiptare ka ende predha të Luftës së Dytë Botërore, që kanë mbetur aktive.
Zona ku janë gjetur armët luftarake, është e mbushur plot me predha, por deri më tani nuk është marrë asnjë masë nga autoritetet, për heqjen e tyre.
