Kryeministri i vendit Edi Rama, në takimin elektoral që po zhvillon në Gjirokastër, ka ironizuar sërish kryedemokratin Lulzim Basha.Në fjalimin e mbajtur në Gjirokastër, Rama tha se një mikeshë e kishte informuar se basha do të zhvillonte takime nga jugu në veri.Kryeministri rama nuk i kurseu ironitë për Bashë, ku shtoi se ai në Gjirokastër shkonte me kokën lart.
“Kur po vija këtu më erdhi një mesazh nga një mikeshë që banon këtu në Gjirokastër. Është zonjë në moshë të avancuar.Më shkruante, nuk vi dot o xhan po na ka sfiduar Luli. Më tha që për 9 ditë do bënte 9 takime. Më tha; ça është ky fle 9 vjet dhe na sfidon ne me 9 orë punë. Kështu janë ndarë, disa me punë e disa me llafe. Ka rëndësi që unë jam këtu me kokën lart,”-u shpreh Rama.
Rama është përballuer dhe me një demokrat në Gjirokastër, i cili i ka bërë thirrjen “Rama ik”. Por kryeministri këtë thirrje e ka pritur me sportivitet duke kujtuar një filëm të vjetër shqiptar “Koncert në vitin 1936”, duke e pritur edhe një opozitar mes turmës.
“Ja doli një ‘Rama ik’ se po e prisja, gjithmonë ku ka një popull që mblidhet një popull që sheh të ardhmen ka një që thotë Rama ik. Vazhdon koncerti në vitin 1936 dhe ai plaku ditëzi vazhdon të jetojë brenda atyre që nuk e përtypin dot simfoninë e punës sonë në të gjithë drejtimit dhe do të mbetet në historinë e këtij vendi si muzika e punës,”-tha Rama.
