Ditën e sotme mbushen plot 21 vite nga masakra e përgjakshme e Reçakut.
Brenda një dite, forca serbe vranë 45 civilë shqiptarë të Kosovës.
Urdhëri për masakrën u dha nga vetë Sllobodan Millosheviç.
Ndërkombëtarët kërkuan informacione, por serbët munduan të fshihnin të vërtetën, duke i deklaruar viktimat ushtarë të UÇK-së.
Mirëpo pas insistimit të ish-shefit të misionit vëzhgues të OKB-së, William Walker,u zbulua se të vrarët ishin të gjithë civilë, mes tyre një fëmijë 12 vjeç dhe tre femra.
Masakra e Reçakut ishte edhe shkaku kryesor i nisjes së bombardimeve të NATO-s, e cila nisi sulmin ajror ndaj bazave serbe.
Serbia dhe presidenti Aleksandër Vuçiç ndërkohë, ende nuk e kanë njohur masakrën e Reçakut.
Në ditën përkujtimore të viktimave ka folur edhe kreu i Vetëvendosjes, Albin Kurti.
Ky i fundit, pas homazheve në varrezat e dëshmorëve, u shpreh se autorët e ksaj masakre duhen dënuar nga institucionet e Kosovës.
